| 今日三點去做本地波~~大埔對飛馬~~ 唔知關唔關完左東亞運加放左三日假既關係...... 個人返工好似無咩衝勁咁...... 或者可以話係無左目標.....硬係提唔起勁...... 做完之後就返公司打稿~~ 之後就開始搞學界特稿....feature個d野~~ 差唔多十一點就走lu~~ 因為聽朝要九點去到林士德睇精英籃球順便問學界特刊d野...... |
| |
| 連放三日~~反而無時間打xanga...... 16號~~去左叉燒屋企打機呢!!!!! 佢好有錢咁買左wii~~搞到我都有d想買...... 不過我當然未有錢到可以買到啦 =P 最大收獲係打機之餘又有人煮飯食!!!!!超好 XD 17號~~本身約左嘉寶食飯.....點佢知唔舒服..... 結果留左係屋企打邊爐........不過都好丫~~ 我都好耐未試過係屋企食飯lu!!!!! 凍冰冰打邊爐係一個唔錯既選擇 =) 18號~~夜晚去左花墟打公民盃~~ 本身以為落雨取消.....叫曬d人唔好黎先話繼續打..... 好在對手唔係好強~~五人應戰下都無問題~~~ 食完野就返屋企準備聽日返工lu~~ |
| |
| 東亞運後續之二........ 今日去左「神奇門將」葉鴻輝既祝捷會~~ 佢係令香港足球隊奪得東亞運金牌既重要人物!!!!!! 不過似乎唔係好多人識得佢..... 係銅鑼灣鬧市都唔係有好多人圍觀..... 好在都有d支持者幫佢叫囂下!!!場面都算ok~~ 其實唔睇東亞運的話我都唔知lee個人係邊個...... 哈~~佢俾我想像中好人呢!!!! 而且唔會話出左名就驕傲~~ 似係一d仲會繼續發奮向上既人~~ 個祝捷會完左之後就返公司打稿~~ 本身以為要做大.....嚇得我丫!!!!!!!!! 最尾由200字轉為350字~~~ 打完曬d稿就過去小西灣運動場做南華對沙田~~ 第一次落住雨要影波相........ 結果梗係影到一塌糊塗啦....一張好d既都無..... 唉........真係要好好改善下....... 好在今晚場波唔算重要........如果唔係都唔知點交差........ 聽日終於放假喇!!!!!!!!!!!!!!!!!!!!!!!!!!!!!!!!!!!! 好開心好開心好開心好開心好開心好開心好開心好開心~~~ 可以玩返夠本呢 XD |
| |
| 東亞運後續....... 好耐都未試過訓十一個鐘喇!!!!! 不過都好似唔係幾夠咁..... 食d野就去中央圖書館個東亞運傳媒茶會~~ 去到有曾德成、霍震霆、趙詠賢、才叔、歐陽耀沖、洪松蔭等等...... 以為會係一個好小既茶會........點知黎d人勁猛料....... 即刻又好緊張..... 返到公司打稿~~ 原來有港聞同事去~~好多野都會係佢地寫~~ 聽到之後個人都定d~~ 點知又話將個CS轉為500字.........即刻打左個突...... 好在最後都有驚無險咁完成~~ 仲有一日就放假呢!!!!!!!!加油!!!!!!! |
| |
| 終於都到左東亞運既最後一日喇!!!!!!!!!!!! 簡直開心過考完試!!!!!!!!!!! 雖然一早要去西區公園體育館做武術....... 但捱埋今日就唔需要再早起身呢!!!!!!!! 最後一日香港武術隊增添兩金兩銀四銅~~~ 而我最大收獲就係同左南韓隊既散手教練影相 XD 
哈哈哈~~其實我留意左佢好耐呢!!!!!! 因為見佢係要用普通話同d運動員溝通~~ 之後問返佢先知原來佢係中國人!!!!! 今年二十六歲~~名字係韓兵~~ 以前都係中國散手運動員!!!!!!!!!!! 不過因為一次車禍整傷左條腰就要結束運動員生涯呢....... 今次係幫朋友去南韓做兩年教練~~ 
之後就會返中國山東~~希望可以幫國家培訓人材!!!!! 「始終都是中國人嘛」一句話就代表到佢唔想流落異鄉既決心!!!!! 我真係覺得佢好有型呢!!!!!!!!! 希望有機會可以再見到佢啦 =) 完左武術之後就返公司~~ 本身以為又會好多稿打......點知得篇武術600字..... 哈哈~~打完之後再打多兩篇200字就攪掂lu~~ 雖然都係要十二點幾走..... 但知道自己完成左東亞運既工作即刻開心曬 XD 重點係返多兩日就有三日假放喇!!!!!!!!!!!!! |
| |
